बिर्तामोडमा युवतीको शव भेटियो

समाचार

२८ असार, झापा । झापाको बिर्तामोडमा एक जना युवती मृत फेला परेकी छन् । विर्तामोड–५ मा २५ वर्षीया सिर्जना बस्नेतको शव फेला परेको प्रहरीले जनाएको छ ।

सिर्जनशील सहकारीमा काम गर्दै आएकी बस्नेत आफन्तको घरमा बस्दै आएकी थिइन् ।

इलाका प्रहरी कार्यालय अनारमनीको टोलीले अनुसन्धान सुरु गरेको छ । जिल्ला प्रहरी कार्यालय झापाका प्रमुख एसपी सानुराम भट्टराईले तालिमप्राप्त कुकुरसहितको टोली बोलाएर अनुसन्धान थालिएको जानकारी दिए ।