मेरो अन्येष्टि माझी बस्ती अगाडिकाे इन्द्रावती बगरमा गरियोस्– श्वेता खड्का

समाज

काठमाडौं । नायिका श्वेता खड्काले माझी बस्ती बिवादको विषयमा स्पस्टीकरण दिनुभएको छ । शुक्रबार लामो फेसबुक स्टाटस लेख्दै उहाँले सिन्धुपाल्चोकको चौताारा साँगाचोकगढी नगरपालिका–१२ मा बनेको माझी बस्ती निर्माणका क्रममा आफूले एक रुपैयाँ पनि रकम हिनामिना नगरेको बताउनुभएको छ ।

नायिका खड्काले विभिन्न सञ्चारमाध्यममा आफूलाई बदनानम गर्ने किसिमका समाचार आएकोप्रति ध्यानाकर्षण भएको जनाउँदै बस्ती निर्माणका क्रममा एक टुक्रा इट्टासमेत नबोक्नेहरुसँग छानी छानी अन्तर्वार्ता लिएको बताउनुभयो ।

उहाँले आफूले श्वेताश्री फाउन्डेसनमार्फत आएको पैसाले विलासी जीवन नबिताएको स्पस्ट पार्दै उठाएको पैसा गलत प्रयोग भएको प्रमाणित भए जुत्ताको माला सहित कालो मोसो दलेर माझीबस्ती परिक्रमा गर्न तयार रहेको बताउनुभएको छ । आफूविरुद्ध झुटा सामग्री प्रकाशन र प्रशासन गर्नेहरुलाई झुटो सावित गर्ने उल्लेख गर्नुभएको छ ।

दाताहरुसँग सहयोग माग्दा पनि आफूले कहिल्यै पनि आफ्नो खातामा पैसा राख्न जबरजस्ती नगेरको स्मरण गर्दै नायिका खड्काले सधैँ उपभोक्त समितिको खातामा सिधै सहयोगको अपिल गरेको बताउनुभयो । उहाँले खाताको कारोबार केलाएर हेर्न पनि आग्रह गर्दै उपभोक्ता समितिको खातामा करोडौं रकमको कारोबार भएको स्पस्ट पार्नुभयो ।

मेरो अन्येष्टि माझी बस्ती अगाडिकाे इन्द्रावती बगरमा गरियोस्– श्वेता खड्का
सिन्धुपाल्चोकमा बनेको माझी बस्ती
अहिले बनेको घर स्थानीयवासीकै रोजाइको डिजाइनमा बनेको बताउँदै उहाँले माझी बस्ती सार्वजनिक निजी साझेदारी परियोजना भएको बताउनुभयो । एनजीओहरुले नै सबै काम गरिदिनुपर्छ भन्ने सोचलाई चिर्नका लागि आफूहरुले जनताको सहभागिता र लगानीलाई आत्मसाथ गरेको उहाँको तर्क छ । उहाँले बस्ती निर्माणपछि त्यहाँको अचल सम्पत्तिको मूल्याङ्कन बढेको बताउनुभयो ।

अन्तिममा नायिका खड्काले जिम्मेवारीबाट विमुख नहुने स्पस्ट पार्नुभयो । आफ्नो श्वास चलुञ्जेलसम्म माझी बस्ती आफ्नो मनमस्तिस्कबाट नहट्ने उहाँको भनाइ छ । उहाँले आफ्नो मृत्युपछि आफ्नो शवको चिता पनि माझी बस्तीको आँगनमा रहोके इन्द्रावती बगरमा बनाउँदै अन्येष्टि त्यहिँ गर्न पनि आग्रह गर्नुभएकाे छ । उहाँ लेख्नुहुन्छ, ‘म मर्दा मेरो लाशको चिता पनि माझी बस्तीको आँगनमा रहेको इन्द्रावती बगरमा बनाईयोस् र मेरो अन्त्यष्टी त्यहीं गरिओस् ।’

नायिका खड्काले माझी बस्ती निर्माण गरेको भनि मिडियामा चर्चा भइरहँदा स्थानीयले भने श्वेता खड्काले माझी बस्ती नबनाएको जिकिर गरेका छन् । ७ लाख रुपैयाँमा बनेको हरेक घरका लागि सरकारले ३ लाख रुपैयाँ दिएको र अहिले आफूहरूको थाप्लोमा ४ लाख रुपैयाँ ऋण रहेको बताएका छन् ।

बस्ती निर्माणको सुरुवाती चरणदेखि लागि परेका स्थानीय सिताराम माझीले श्वेता खड्काले श्वेताश्री फाउन्डेसनले सुरुमा ६० लाख रुपैयाँ दिएको भए पनि अहिले उक्त रकम फिर्ताको चरणमा रहेको बताउनुभयो ।

‘बस्ती निर्माणका लागि उहाँहरु आउनुभयो,’ सितारामले भन्नुभयो, ‘उहाँहरुको इन्जिनियरिङ र डिजाइनमा बस्ती निर्माण भए पनि यहाँका घरहरुमा उहाँको एक पैसा पनि खर्च भएको छैन ।’ फाउन्डेसनले बस्ती निर्माणको अभियान सुरु गरेकोमा माझी समुदायले धन्यवाद दिए पनि सरकार र आफ्नै लगानीमा बस्ती निर्माण भएको उनीहरुको जिकिर छ ।

मेरो अन्येष्टि माझी बस्ती अगाडिकाे इन्द्रावती बगरमा गरियोस्– श्वेता खड्का
सिताराम माझी
सिताराम कट्टेल (धुर्मुस) र कुञ्जना घिमिरे (सुन्तली)को पहलमा चितवनमा निर्माण हुँदै गरेको गौतम बुद्ध अन्तर्राष्ट्रिय क्रिकेट रंगशालामा ९ करोड रुपैयाँको उधारो रहेको समाचार आएपछि स्क्रिनसट राख्दै नायिका खड्काले माझी बस्तीमा सहयोग गर्छु भन्नेहरुले सहयोग नगरेको बताउनुभएको थियो ।

श्वेताको पोस्टपछि माझीबस्तीको प्रसङ्ग झन् तातेको हो । कतिपयले उहाँको पोस्टपछि दोस्रो विवाहमा गरेको खर्च र दैनिक क्लब जाने गरेको भन्दै व्यक्तिगत जीवनमा समेत प्रश्न उठाए । त्यसपछि भने उहाँले माझीबस्ती शुत्रबार मात्र आफ्नो भनाइ राख्नुभएको हो ।

श्वेता श्री फाउन्डेसनको पहलमा माझी बस्तीको